دسته بندی :
احوالات ورود امام حسین (ع) به کربلا از زبان شعر ترکی  مرحوم رحیم منزوی اردبیلی 


گئنه نه مژده دی بو قاصید صبا گتیریر
غباریلن قاریشیق عطر جانفزا گتیریر

* * *
ندیر بو شمس هدی تودهً غبار ایچره
سالوب دالیجا جوانان مه لقا گتیریر

نئچه کجاوه دی چون حاملان عرش خدا


بیر آسمان دولوسی کوکب عزا گتیریر


قویوب بو قافیله اُمُّ القُریٰ گوزون آغلار


ندن دی دولت اقبالی نینوا گتیریر


اگر حسیندی بونون الده کوفه دعوتی وار


نیه بو دشت غمه رَخت اِنزوا گتیریر


یقیندی کوفه لیلر سیندیریبلا بیعتینی


اجل اولوبدی جلوداری پا به پا گتیریر


ییغوب قطا قوشی تک شهپر آلتدا جوجه لرین


قَرینِ خانهٔ صیّاده جابجا گتیریر


حسینُ مِنّٰی اَنا مِنْ حُسین دِیوب جدّی


غلطدی هر کیم اونا چون و یا چرا گتیریر


ئوزی بیلر کیمین اِئیلر قبول دعوتینی


ولی منی دیله قلبیمده کی یارا گتیریر


حسندن ال گوتورنلر حسینه ال ویرمز


مگر بو دعوت علی باشینا دوا گتیریر


خیال جنگی اگر وار ندیر بو اهل و عیال


حیالی قیزلارینی هانسی اقتضا گتیریر


دئسه باجیمی گتیردیم یارامی باغلاماغا


دیه للر سود اَمَرین اوندا بس هارا گتیریر


دگیل بولار، مگر الله رضاسی وار بو ایشون


کمند مرگه حسین شرزهٔ رضا گتیریر


غرض گلیب لب گودالیده دایاندی امام


دئدی قضا منی به‌به نه دوز یولا گتیریر


سوروشدو کرببلادور بورا دئدیلر بلی


اوزون دوتوب او جوانمرده که لوا گتیریر


بویوردی ساخلا قطاری وفالی عباسیم


منه ئوزین بو چوخور یئر چوخ آشنا گتیریر


بو یئر او یئردی کی جدّیم آتام وئریبدی خبر


بو یئرده حمله منه قوم اشقیا گتیریر


بو یئر او یئردی کی حسرت چکیر گوی اهلی بورا


همین بو شوره یئره غبطه نُه سما گتیریر


بو يئر او یئردی کی هر قلبه مین صفا یئتیریر


بو یئر او یئردی کی هر باشه مین بلا گتیریر


نیشان وئریم سنه قوی خیمه گاهیمین یئرینی


او یئر کی زینبه چوخ درد و ابتلا گتیریر


بالالاریم یورولوب خیمه سین اولجه قورون


آخان ستاره کیمین گوزلری اَدا گتیریر


فراتیدن سو گتیر اوز گوزون یوسون بالالار


فلک بئش اون گونه آغ گونلرین قارا گتیریر


امامین امرینه باش اگدی حیدر ثانی


دیلینده کلمه نَفسی لَکَ الفِدا گتیریر


اولده زینبی بیر حرمتیله اَندیردی


آناسی فاطیمه آلاندا مرحبا گتیریر


دیزین خم ایله دی زهرا قیزی قویوب ایاقین


دوشه دوشه دیلینه کلمهٔ دوعا گتیریر


اوزون آغ اولسون ابوالفضل آنام حضورونده


بو حرمتون دوتولان قلبیمه صفا گتیریر


بو چولده حق باجوین آخرینی خیر ائله سین


گوروم فلک نئچه جور درده مبتلا گتیریر


اَیا امام زمان گل اوزونده قان آغلا


بو عمه وین غمی چوخ باشلارا هوا گتیریر


کیتابی محنتی اون گون ورقله گئچ قاباغا


زمانه گور نئجه تقدیر ناروا گتیریر



* * *


فلک بو واقعه دن بیلمیرم نه کام آلدی


گتیردی عزّتیلن گور نئجه یولا سالدی



دسته بندی : اعیاد و مراسم

عزاداری شب های نخست محرم در روستای گرده


دسته بندی : اعیاد و مراسم

 مراسم طشت گذاری مسجد جامع گرده بعد از ظهر روز پنجشنه مورخه 1391/08/25 بر گزار گرديد که طبق ایین دیرینه کوزه ها را از چشمه پر اب کرده ودر مسجد داخل طشت های مسی ریخته وسینه زنی وروضه خوانی میکنندکه فیلم کامل ان موجود می باشد.

گوشه هایی از مراسم طشت گذاری


دسته بندی : اطلاعیه
گلور محرم اچيلدي پرچم                                  کيمون وار عشقی عزایه گلسون

به مناسبت فرا رسيدن ماه محرم الحرام مراسم طشت گذاری مسجد جامع روستای گرده روز پنجشنبه مورخه1391/08/25 از ساعت 14 الی نماز مغرب بر گزار می گردد.